Baş məşqçidən fitə basılan futbolçuya dəstək

“Çelsi”nin baş məşqçisi Qrem Potter Mark Kukurella haqda danışıb.

Komanda.az “Football London”-a istinadən xəbər verir ki, o, paytaxt təmsilçisinin azarkeşlərindən də söz açıb:

“Son nəticələri və hazırkı mövqeyimizi nəzərə alsaq, tənqidlərin çoxunun kimə aid ediləcəyi göz qabağında olar. Azarkeşsiz klub yoxdur. Onların da öz fikirlərini söyləmək haqqı var.

Kukurella hər şeyi başa düşür. O, dözümlü olmağı öyrənməlidir. Biz də ona kömək edəcəyik”.

Xatırladaq ki, “zadəganlar”ın azarkeşləri İngiltərə Premyer Liqasının 23-cü turunun “Vest Hem” – “Çelsi” və Çempionlar Liqasının “Borussiya” (Dortmund) – “Çelsi” qarşılaşmalarında ispaniyalı futbolçunu fitə basıblar.

Mark Kukurella cari mövsümdə “Çelsi”nin heyətində 26 oyuna çıxıb və 2 məhsuldar ötürmə edib.