“Mbappe kimi böyük oyunçular gec-tez ən yaxşı keyfiyyətlərini ortaya qoyur”

Keçmiş futbolçu Luiş Fiqu “Real”ın forvardı Kilian Mbappe haqqında fikirlərini bölüşüb.

Komanda.az “Madrid Universal “-a istinadən xəbər verir ki, portuqaliyalı keçmiş futbolçu, bir çox oyunçunun “Real”a keçəndə tam inkişaf edə bilmədiyini söyləyib:

“Bəzən elə olur ki, təzyiq futbolçuya özünü bütün şöhrəti ilə göstərməyə mane olur. Bir çox oyunçu “Real”a keçəndə tam inkişaf edə bilmir. Lakin Kilian Mbappe kimi böyük oyunçular gec-tez ən yaxşı keyfiyyətlərini ortaya qoyurlar”.

Mbappe “Real”a yayda PSJ-dən azad agent kimi keçib. O, cari La Liqa mövsümündə 15 oyunda içtirak edib, 9 qol vurub və 1 məhsuldar ötürmə verib.