“Fiorentina”dan “Torino”ya

“Torino” “Fiorentina”nın müdafiəçisi Kristiano Biraqini transfer edib.

Komanda.az xəbər verir ki, bu barədə Turin təmsilçisinin mətbuat xidməti məlumat yayıb.

Ötən mövsümü “Torino”nun heyətində icarə əsasında keçirən futbolçu ilə 2 illik müqavilə imzalanıb.

Biraqi 2017-ci ildən “Fiorentina”da çıxış edirdi. O, “İnter”, “Yuve Stabiya”, “Kataniya”, “Çittadella”, “Kyevo”, “Qranada”, “Peskara” kimi klubların da şərəfini qoruyub.