İnzaqi: “Finala yüksəlmək istəyirik”

“İnter”in baş məşqçisi Simone İnzaqi komandasının yarımfinalda “Atalanta” ilə qarşılaşacağı İtaliya superkubokundan danışıb.

Komanda.az DAZN-ə istinadən xəbər verir ki, o, güclü rəqiblə qarşılaşacaqlarını söyləyib:

“Çox vacib turnirdir, artıq üç ildir ki, çempionluğu qoruyuruq. “Atalanta” ilə möhtəşəm oyun keçirib finala yüksəlmək istəyirik, amma başa düşürük ki, digər üç komandanın da “İnter”lə eyni hədəfi var. Yarımfinalda hazırda A Seriyasında liderlik edən komanda ilə qarşılaşacağıq.

“Atalanta” ilə əvvəlki matçlarda qalib gəlirdik? Keçmiş qələbələr xal vermir. Bu il “Atalanta” bütün yarışlarda yaxşı çıxış edir. Biz bir-birimizi çox yaxşı tanıyırıq, dəfələrlə oynamışıq. Onların əla komandası var, fiziki cəhətdən çox hazırlıqlı və çoxlu sayda əla keyfiyyətlərə malikdir”.