FİFA Şahruddin Məhəmmədəliyevin klubuna transfer qadağası qoyub

FİFA Azərbaycan millisinin qapıçısı Şahruddin Məhəmmədəliyevin çıxış etdiyi Türkiyənin “Adana Dəmirspor” klubuna transfer qadağası qoyub.

Komanda.az Türkiyə mətbuatına istinadən xəbər verir ki, buna Adana klubunun keçmiş baş məşqçisi Patrik Klyuvertə 142 min avronu ödəməməsi səbəb olub.

Qərara əsasən, Super Liqa təmsilçisi qarşıdakı üç transfer pəncərəsi dövründə yeni oyunçular ala bilməyəcək.

Niderlandlı baş məşqçi 2023-cü ilin iyulundan dekabrın əvvəlinədək Türkiyə klubunda işləyib.