FİFA “Qarabağ”ın futbolçusunun qolunu paylaşdı

FİFA-nın rəsmi “feysbuk səhifəsi” “Qarabağ”ın əlcəzairli futbolçusu Yassin Benzianın “FİFA series – Edition 2024”də Cənubi Afrika ilə oyunda vurduğu qolu paylaşıb. 

Komanda.az xəbər verir ki, epizod “Benzianın velosiped zərbəsi qolu” başlığı ilə paylaşılıb.

Benzia Əlcəzair millisinin Cənubi Afrika Respublikasını 3:2 hesabı ilə məğlub etdiyi oyunda 2 qol və 1 məhsuldar ötürmə ilə yadda qalıb.