FİFA prezidenti Trampı təbrik etdi

İlkin məlumatlara görə, ABŞ-da prezident seçkilərində Donald Tramp qalib gəlib.

Komanda.az xəbər verir ki, FİFA prezidenti Canni İnfantino sosial şəbəkə hesabındakı paylaşımında bu münasibətlə ABŞ-ın yeni prezidentini təbrik edib:

“Təbrik edirəm, cənab Prezident! Bizi ABŞ-da möhtəşəm dünya çempionatı və möhtəşəm klublararası dünya çempionatı gözləyir! Futbol dünyanı birləşdirir!”

Klublararası dünya çempionatı gələn ilin yayında ABŞ-da keçiriləcək. 2026-cı ilin yayında milli komandalar arasında keçiriləcək dünya çempionatına isə təkcə ABŞ deyil, həm də Kanada və Meksika ev sahibliyi edəcək.