FİFA “Barselona”ya 3 milyon avro təzminat ödəyəcək

“Barselona” Ronald Arauxonun Uruqvay millisində olarkən aldığı zədəyə görə təzminat alacaq.

Komanda.az xarici KİV-ə istinadən xəbər verir ki, FİFA uruqvaylı futbolçunun millidə olarkən aldığı zədəyə görə Kataloniya klubuna 3 milyon avro məbləğində təzminat ödəyəcək.

25 yaşlı müdafiəçi iyulda, Amerika kubokunun 1/4 finalında Braziliya millisi ilə matçda zədələnmişdi. O, həmin vaxtdan meydanda görünmür, heç vaxt “Barselona”nın yeni çalışdırıcısı Hans-Diter Flikin rəhbərliyi altında oynamayıb.

Arauxonun yenidən meydana qayıtması dekabr ayına planlaşdırılıb. O, 2018-ci ildən “Barselona”nın rənglərini qoruyur.