FİBA Avropa kuboku: “Sabah”ın oyunlarının başlama vaxtı açıqlanıb

“Sabah” basketbol klubunun FİBA Avropa kubokunda 2023/2024 mövsümünün təsnifat mərhələsində keçirəcəyi oyunların başlama vaxtı açıqlanıb.

Komanda.az xəbər verir ki, A qrupunda qərarlaşan Azərbaycan çempionu oyunlarını axşam saatlarında keçirəcək.

Avropa kubokunun debütantının “Donar” (Qroningen, Niderland) və “Rapid”lə (Buxarest, Rumıniya) görüşü saat 19:30-da, “Rabotniçki” (Skopye, Şimali Makedoniya) ilə qarşılaşması isə saat 22:30-da start götürəcək.

Qrup mərhələsinin oyunları 2-5 oktyabrda Skopyedəki Boris Traykovski adına İdman Mərkəzində keçiriləcək. Qrupun qalibi turnirin müntəzəm çempionatına vəsiqə qazanacaq.

FİBA Avropa kuboku
A qrupu

2 oktyabr
19:30. Donar (Qroningen, Niderland) – Sabah
Stokpe. Boris Traykovski adına İdman Mərkəzi

3 oktyabr
22:30 Sabah – Rabotniçki (Skopye, Şimali Makedoniya)
Stokpe. Boris Traykovski adına İdman Mərkəzi

5 oktyabr
19:30 Rapid (Buxarest, Rumıniya) – Sabah
Stokpe. Boris Traykovski adına İdman Mərkəzi