Premyer Liqada fevral ayının ən yaxşı futbolçusu bilindi

“Mançester Yunayted”in hücumçusu Rasmus Hoylund İngiltərə Premyer Liqasında fevral ayının ən yaxşı oyunçusu seçilib.

Komanda.az xəbər verir ki, danimarkalı forvard ötən ay 4 matçda 5 qol vurub və 1 məhsuldar ötürmə edib.

21 yaşlı forvard bu mükafatı qazanan ilk danimarkalıdır.

Hoylund Fil Foden (“Mançester Siti”), Joao Qomez (“Vurverhempton”), Paskal Qross (“Brayton”), Rodriqo Muniz (“Fulhem”), Bukayo Saka (“Arsenal”) və Olli Uotkinsi (“Aston Villa”) geridə qoyub.