Kapitan Van Nistelroy haqda: “O, bizim üçün çox şey etdi”

“Mançester Yunayted”in kapitanı Bruno Fernandes Rud van Nistelroyun komanda üçün əhəmiyyətindən danışıb.

Komanda.az xarici KİV-ə istinadən xəbər verir ki, portuqaliyalı futbolçu, Nistelroyun “Mançester Yunayted”i sevdiyini bildirib:

“Rud “Mançester Yunayted”i sevir, oyunçulara sevinc bəxş etmək istəyir. Hamımız onunla üzümüzdə təbəssümlə oynayırdıq. O, sadəcə futboldan həzz almamızı istəyirdi. Bizim vəzifəmiz baş məşqçi kimi onunla ən yaxşı şəkildə vidalaşmaq idi, çünki o, bizim üçün çox şey etdi”.

Van Nistelroyun rəhbərliyi altında keçirilən son matçda “Mançester Yunayted” “Lester”ə qalib gəlib – 3:0.

Niderlandlı mütəxəssis baş məşqçi əvəzi kimi işini başa vurub. “Qırmızı şeytanlar” onun rəhbərliyi altında 3 qələbə qazanıb, 1 dəfə isə heç-heçə edib.

Növbəti görüşdə “Mançester Yunayted”ə yeni çalışdırıcı Ruben Amorim başçılıq edəcək. Portuqaliyalı mütəxəssisin məşqçilər heyətində ona yer olmadığı halda, Van Nistelroy klubu tərk edə bilər.