“Ferents Puşkaş” mükafatına əsas namizədlər bəlli oldu

FİFA “Ferents Puşkaş” mükafatına namizəd olan əsas qolları açıqlayıb.

Komanda.az qurumun rəsmi saytına istinadən xəbər verir ki, 3 nəfərlik siyahıda İspaniya “Atletiko”sundan Luis Suares, İngiltərə “Tottenhem”indən Son Hın Min və Braziliya “Flamenqo”sundan Corcian Arrasketanın qolları yer alıb.

Suaresin “Barselona”da çıxış edərkən La Liqada “Malyorka”ya, Son Hın Minin Premyer Liqada “Bernli”yə, Arrasketanın isə Braziliya çempionatında “Seara”ya vurduğu qollar mükafata əsas namizəd göstərilir.

Qeyd edək ki, “The Best” mükafatı dekabrın 17-də təqdim olunacaq.