Ferdinand “Liverpul”un futbolçularını itə bənzətdi

UEFA Çempionlar Liqasında liqa mərhələsinin 5-ci turunun oyunları baş tutub.

“Liverpul” doğma meydanda “Real”ı qəbul edib və hər iki qolu ikinci hissədə vuraraq, 2:0 hesabı ilə qalib gəlib.

Komanda.az “BBC Sport”-a istinadən xəbər verir ki, İngiltərə millisinin keçmiş oyunçusu Rio Ferdinand Arne Slotun yetirmələrinin uğuruna heyran qalıb. O, komandanın hazırda Avropanın ən yaxşısı olduğuna inanır və öz proqnozunu verib:

“Liverpul” qələbələrə doymur. Slot futbolçuları “rottveyler” (güclü və zəkalı it) kimi sahəyə buraxır. Mən hətta mersisaydlıların bu mövsüm Çempionlar Liqasını qazanacağına pul qoymağa hazıram”.

“Liverpul” Çempionlar Liqasında keçirdiyi 5 oyunda 15 xal toplayıb və turnir cədvəlinə başçılıq edir.