Feliks “Atletiko” azarkeşləri haqqında: “Onları başa düşürəm”

“Atletiko”dan icarəyə götürülən “Barselona”nın hücumçusu Joao Feliks La Liqanın 29-cu turu matçı öncəsi madridli azarkeşlərin qəzəbinə tuş gəlməsinə münasibət bildirib.

Komanda.az ESPN-ə istinadən xəbər verir ki, portuqaliyalı futbolçu “Atletiko” azarkeşlərinin əslində nə baş verdiyini bilmədiklərini söyləyib:

“Atletiko” azarkeşləri klubda olduğum müddətdə baş verənlərdən xəbərsizdir. Onlar əslində nə baş verdiyini bilmirlər. Mən onları başa düşürəm, amma onların gözündə pis adam olmamalıyam. “Atletiko” oyunçuları ilə çox yaxşı münasibətim var”.

“Barselona” “Atletiko”ya 3:0 hesabı ilə qalib gəlib, ilk qolu Feliks vurub.