Federasiyanın sabiq prezidentinə 10 illik cəza

Liberiya Futbol Federasiyasının sabiq prezidenti Musa Biliti FİFA tərəfindən 10 illik diskvalifikasiya olunub.

Komanda.az xəbər verir ki, bu barədə dünya futbol qurumunun rəsmi saytı məlumat yayıb.

Afrika Futbol Konfederasiyasının (CAF) İcraiyyə Komitəsinin üzvü də olan Biliti, maliyyə fırıldaqçılığında, eləcə də korrupsiyada günahandırılır. O, qarşıdakı 10 ildə futbolla bağlı heç bir fəaliyyət göstərə bilməz. Üstəlik, FİFA sözügedən şəxsi 500 min İsveçrə frankı (təxminən 507 min ABŞ dolları) məbləğində cərimə edib.