Emeri: “Yuventus” üzərində qələbə bizə inam verdi”

“Vilyarreal”ın baş məşqçisi Unay Emeri Çempionlar Liqasının 1/4 final mərhələsində “Bayern”lə heç-heçə edib (1:1) yarımfinala vəsiqə qazandıqları cavab oyunu haqqında danışıb.  

Komanda.az UEFA-nın saytına istinadən xəbər verir ki, o, “Yuventus” üzərində qələbənin komandasına inam verdiyini söyləyib:

“Vacib uğurlara nail olmaq üçün favoritlərə qalib gəlmək lazımdır. 1/8 finalda Yuventus” üzərində qələbə bizə inam verdi. Yarımfinalda şanslarımızın olması üçün qol imkanları yaratmağa çalışacağıq.

“Liverpul” əla komandadır. Bizi maraqlı qarşıdurma gözləyir. Mən çox şadam ki, biz mühüm məqsədlərə nail oluruq. “Bayern”lə matçda müdafiədə mükəmməl oynadıq”.

“Bayern” “Vilyarreal”a ilk oyunda 0:1 hesabı ilə uduzmuşdu.