Fabreqas İtaliya klubundan ayrılacaq

İtaliya B Seriyasında çıxış edən “Komo”nun baş məşqçisi Sesk Fabreqas vəzifəsindən ayrılacaq.

Komanda.az ESPN-ə istinadən xəbər verir ki, komandanın müvəqqəti baş məşqçisi olan ispaniyalı mütəxəssisin lazımi məşqçi kateqoriyası yoxdur. O, dekabrın 23-də “Palermo” ilə keçiriləcək oyundan sonra vəzifəsini tərk edəcək.

Buna baxmayaraq, Fabreqas komandanın məşqçilər korpusunda qalacaq.

Fabreqas noyabrın 13-dən “Komo”nu çalışdırır. Komanda onun rəhbərliyi altında 5 oyundan 4-də qalib gəlib, 1 dəfə uduzub.