Fabreqas: “Komanda və şəhər belə bir axşama layiq idi”

“Komo”nun çalışdırıcısı Sesk Fabreqas İtaliya çempionatının 16-cı turunun matçında “Roma” üzərində qələbədən (2:0) danışıb.

Komanda.az xarici KİV-ə istinadən xəbər verir ki, ispaniyalı mütəxəssis eyni ruhda davam etməyə çalışacaqlarını deyib:

“Komanda və şəhər belə bir axşama layiq idi. Güclü komandalarla qarşılaşmalarda nəticə əldə etmək üçün çox əziyyət çəkməliyik. Hər həftə oxşar atmosfer yaratmağa çalışmaq lazımdır. Biz də eyni ruhda davam etməyə çalışacağıq”.

“Komo” İtaliya çempionatının 16 turundan sonra 15 xal toplayıb və turnir cədvəlinin 17-ci pilləsində qərarlaşıb.