Fərid Qayıbov boksçularla görüşdü

Gənclər və idman naziri Fərid Qayıbov boksçuları qəbul edib.

Gənclər və İdman Nazirliyindən Komanda.az-a verilən məlumata görə, Qayıbov martın 30-da Xorvatiyanın Poreç şəhərində 22 yaşadək boksçular arasında Avropa çempionatında uğurla çıxış edən idmançılarla görüş keçirib.

Xatırladaq ki, Azərbaycan komandası Avropa çempionatında oğlanlar arasında ümumi hesabda 1 qızıl, 1 gümüş, 2 bürünc medalla 39 ölkə arasında 4-cü yeri tutub. Nicat Hüseynov (51 kq) Avropa çempionu olub. Ruslan Qədirov (54 kq) gümüş, Cəlal Qurbanov (63,5 kq) və Nəbi İsgəndərov (67 kq) isə bürünc medal qazanıblar.