“Fənərbaxça” hücumçusunu Belçikaya göndərdi

“Fənərbaxça” klubunun futbolçusu Mbvane Samatta karyerasını Belçikada davam etdirəcək.

Komanda.az xəbər verir ki, tanzaniyalı hücumçu “Antverpen”ə keçib. Bu barədə klubun mətbuat xidməti məlumat yayıb.

Samatta 2022-ci ilin yayına qədər Belçika klubunda çıxış edəcək. “Antverpen” mövsümün sonunda 28 yaşlı hücumçunun transfer hüquqlarını ala bilər.