“Fənərbaxça”da yeni müqavilə

“Fənərbaxça” portuqaliyalı yarımmüdafiəçisi Migel Kresponun müqaviləsini yeniləyib.

Komanda.az xəbər verir ki, 27 yaşlı futbolçu yeni müqaviləyə əsasən 2025-ci ilin yayına kimi bu klubda qalacaq.

Bu barədə klubun rəsmi saytı məlumat yayıb. Əvvəlki sözləşmə bu mövsümün sonuna kimi idi.

Krespo 2021-ci ildən formasını geyindiyi “Fənərbaxça”da 67 oyuna 5 qol vurub, 6 assist edib.