“Alanyaspor”dan finala doğru böyük addım

Futbol üzrə Türkiyə kubokunda yarımfinal mərhələsinə start verilib.

Komanda.az xəbər verir ki, bu gün ilk oyunlar çərçivəsində bir qarşılaşma keçirilib.

“Trabzonspor” öz meydanında “Fənərbaxça”nı qəbul edib. Üç qolun qeydə alındığı matç meydan sahiblərinin qələbəsiylə yekunlaşıb.

İstanbul klubunun baş məşqçisi postundan istefa verən, bu qarşılaşmada sonuncu dəfə komandaya rəhbərlik edən Ərsun Yanal “sarı-lacivərdlilər”dən məğlubiyyətlə ayrılıb. Bu komandalar arasında cavab matçı aprelin 21-də baş tutacaq.

Digər yarımfinal görüşü “Antalyaspor”la “Alanyaspor” arasında baş tutub. Bu görüşün taleyini isə 1 qol həll edib. Son dəqiqə qolu ilə səfərdə qələbə qazanan “Alanyaspor” finala vəsiqə yolunda önəmli addım atıb.

Türkiyə kuboku, yarımfinalın ilk oyunları

3 mart

Trabzonspor – Fənərbaxça 2:1
Qol: Sörlot, 46. Novak, 66 – Muriqi, 82.

4 mart

Antalyaspor – Alanyaspor 0:1
Qol: J.Fernandes, 90+3.