“Beşiktaş” xal itirdi, “Başakşəhər” yenə uduzdu

Futbol üzrə Türkiyə Super Liqasında 30-cu tura start verilib.

Komanda.az xəbər verir ki, ilk oyun günündə iki matç baş tutub.

Lider “Trabzonspor” “Rizəspor”un qonağı olub. Trabzonlular bu görüşdə məğlubiyyətə üzülüblər. “Fatih Karagümrük” isə “Kayserispor”la üz-üzə gəlib. Meydan sahibləri bu matçda darmadağına seviniblər.

Şənbə günü dörd qarşılaşma baş tutub. “Yeni Malatyaspor” evdə “Kasımpaşa”ya, “Göztəpə” isə “Alanyaspor”a 2 cavabsız qolla uduzub. Səfərdə “Adana Dəmirspor”la qarşılaşan “Başakşəhər” ardıcıl ikinci məğlubiyyətə üzülüb. “Beşiktaş” isə evdə “Hatayspor”la qarşılaşıb. İstanbul təmsilçisi bu oyundan xal itkisi ilə ayrılıb.

Turun mərkəzi matçında 3-cü pillədə qərarlaşan “Fənərbaxça” 2-ci pillədəki “Konyaspor”u qəbul edəcək.

Avropa Liqasında çıxışını başa vuran “Qalatasaray” “Qaziantep” səfərinə yollanacaq.

Türkiyə Super Liqası, 30-cu tur

18 mart

Rizəspor – Trabzonspor 3:2
Qol: Pohyanpalo, 59-pen; 64-pen; 90+5-pen – A.Ömür, 48. Djanini, 70.

Fatih Karagümrük – Kayserispor 3:0
Qol: E.Mor, 10; 36; 75.

19 mart

Yeni Malatyaspor – Kasımpaşa 0:2
Qol: Muleka, 71. A.Engin, 74.

Göztəpə – Alanyaspor 0:2
Qol: Dyedyu, 71. T.Bingöl, 90+7.

Adana Dəmirspor – Başakşəhər 2:1
Qol: T.Sanuc, 38. Byarnason, 80 – Aleksiç, 48.

Beşiktaş – Hatayspor 1:1
Qol: Batşuayi, 16 – Lobyanidze, 41.

20 mart

14:30 Sivasspor – Altay
14:30 Antalyaspor – Girəsunspor
17:00 Qaziantep – Qalatasaray
20:00 Fənərbaxça – Konyaspor