“Eyni ruhda davam edəcəyik” – “İnter”in prezidenti

“İnter”in prezidenti Cüzeppe Marotta klubun uğurunu şərh edib.

Komanda.az “Sky Sports”-a istinadən xəbər verir ki, Milan klubunun rəhbəri eyni ruhda davam edəcəklərini bildirib:

“İnter” yenidən futbolun əsas qüvvələri sırasındadır. Klub qazanılan kubokların sayını nəzərə alaraq, tarixi ölçülərinə uyğun gələn ən yüksək səviyyəyə qayıdır. Eyni ruhda davam edəcəyik”.

Milanlılar 2021-ci ilin yayından komandanı çalışdıran hazırkı baş məşqçi Simone İnzaqinin rəhbərliyi altında yaxşı nəticələr əldə edirlər.

“İnter” ötən mövsüm A Seriyasını qazanıb. Ehtiyatda bir oyunu olan İnzaqinin komandası cari mövsümdə lider “Atalanta”dan 3 xal geri olmaqla 3-cü pillədə qərarlaşıb.