“Everton”un yeni baş məşqçisi məlum oldu

“Everton”un yeni baş məşqçisi müəyyənləşib.

Komanda.az klubun mətbuat xidmətinə istinadən xəbər verir ki, komandanın “sükanı arxasına” yenidən Devid Moyes keçib.

Əvvəllər də Liverpul təmsilçisində çalışmış Moyes “Everton”un ən uğurlu məşqçilərindən hesab olunur. O, 2002-2013-cü illər aralığında komandanı 500-dən çox matça çıxarıb.

Moyes bir neçə gün öncə klubdan ayrılan Şon Dayçı əvəzləyib.

“Everton” hazırda Premyer Liqanın turnir cədvəlində 17 xalla 16-cı pillədədir.