MY üçün prioritet hədəf deyil – “Everton”un müdafiəçisi

“Everton”un müdafiəçisi Cerrad Brantueyt “Mançester Yunayted”in transfer siyahısındadır.

Komanda.az xarici KİV-ə istinadən xəbər verir ki, amma ingiltərəli futbolçu “qırmızı şeytanlar”ın müdafiəsini gücləndirmək üçün prioritet namizəd deyil.

Brantueytin transfer dəyərinin yüksək olmasının “Mançester Yunayted”in oyunçusu ola bilməməsinin əsas səbəblərindən biri olduğu bildirilir. “Everton” öz yetirməsi üçün azı 93 milyon avro tələb edir.

Brantueyt İngiltərə Premyer Liqasının bu mövsümündə 2 qol vurub. 21 yaşlı futbolçu ötən mövsüm PSV-də icarə əsasında çıxış edib.