“Everton”un Uesli planı

“Flamenqo”nun müdafiəçisi Uesli karyerasını İngiltərə Premyer Liqasında davam etdirə bilər.

Komanda.az xarici KİV-ə istinadən xəbər verir ki, “Everton” braziliyalı futbolçu ilə maraqlanır. İngiltərə klubu müdafiəçini alıb “Roma”ya icarəyə verməyi planlaşdırır.

Daha əvvəl mətbuatda Ueslinin Rusiya çempionatına gedə biləcəyi haqda məlumatlar yayılıb. Futbolçu ilə Sankt-Peterburqun “Zenit” klubu maraqlanır.

21 yaşlı müdafiəçinin “Flamenqo” ilə müqaviləsi 2028-ci ilin sonuna qədərdir.