Veqhorst “Everton”a keçə bilər

Niderlandlı hücumçu Vaut Veqhorst “Mançester Yunayted”dən ayrıla bilər.

Komanda.az “TalkSport”-a istinadən xəbər verir ki, “Everton” 30 yaşlı futbolçunu transfer etməyi hədəfləyib.

“Bernli”nin futbolçusu Veqhorst 2022/23 mövsümündə icarə əsasında Türkiyənin “Beşiktaş” və İngiltərənin “Mançester Yunayted” klublarında forma geyinib. O, ümumilikdə 49 oyuna çıxıb, 11 qol vurub və 7 məhsuldar ötürmə edib.

“Qırmızı şeytanlar”ın heyətində 31 oyuna çıxan forvard iki qol vurub və üç məhsuldar ötürmə ilə yadda qalıb.