“Everton”la “İnter” anlaşdı – 25 milyon avroya

“Everton”un “İnter”in yarımmüdafiəçisi Matias Vesinonu heyətinə qatmaq istədiyini xəbər vermişdik.

Komanda.az İngiltərə mətbuatına istinadən xəbər verir ki, artıq tərəflər 28 yaşlı futbolçunun transferi üçün razılıq əldə ediblər. Razılığa əsasən, “Everton” Milan təmsilçisinə Vesino üçün 25 milyon avro təzminat ödəyəcək. Mersisayd klubunun futbolçu ilə 2024-cü ilədək müqavilə bağlayacağı gözlənilir.

Daha əvvəl “Everton” “İnter”ə 15 milyon avro təklif etsə də, italyanlar bu təklifdən imtina etmişdilər.

2017-ci ildə “Fiorentina”dan “İnter”ə keçən Vesino, cari mövsümdə iştirak etdiyi 17 oyunda 2 qol, 1 məhsuldar ötürməylə yadda qalıb.