“Everton” aparıcı futbolçusu ilə yeni müqavilə bağlayıb

“Everton” müdafiəçisi Cerrad Brantueytlə uzunmüddətli müqavilə imzalayıb.

Komanda.az xarici KİV-ə istinadən xəbər verir ki, 23 yaşlı futbolçu ilə yeni müqavilə 2030-cu ilə qədər qüvvədə olacaq.

İngiltərə millisinin üzvü olan Brantueytə daha əvvəl “Mançester Yunayted”, “Liverpul” və “Mançester Siti” kimi top-klublar maraq göstərmişdi.

Brantueyt 2020-ci ildən “Everton”da çıxış edir. O, 2024/25 mövsümündə Premyer Liqada 30 oyuna çıxıb və 1 məhsuldar ötürmə ilə yadda qalıb.