“Etimad bizim üçün çox vacibdir” – Silva

“Mançester Siti”nin yarımmüdafiəçisi Bernardo Silva UEFA Çempionlar Liqasının 1/4 finalının “Bayern” ilə cavab görüşünü (1:1) şərh edib.

Komanda.az xarici KİV-ə istinadən xəbər verir ki, o, sabit mübarizə apardıqlarını vurğulayıb:

“Fevral ayına qədər özümüzlə mübarizə apardıq. Çünki ardıcıl 10-15 matçda qalib gəldikdən sonra əvvəlki formamıza qayıda bilməmişdik. Lakin hazırda sabit mübarizə aparırıq. İstənilən turnirdə qalib gəlmək üçün şanslarımızın olduğunu hiss edirik və qələbələrə doğru irəliləyirik.

Mövsümün elə bir nöqtəsindəyik ki, bir oyun zəif çıxış etsək, həmin turnirdən kənarda qalacağıq. Bizim üçün çətin olacaq. Qazanacağımız titulları evimizə aparmaq üçün çox çalışacağıq. Etimad bizim üçün çox vacibdir. Onu qoruyub saxlamalıyıq”.

İki oyunun nəticəsinə əsasən, “şəhərlilər” Bundesliqa təmsilçisini 4:1 hesabı ilə məğlub edib və yarımfinala vəsiqə qazanıb.

Növbəti mərhələdə onların rəqibi “Real” olacaq.