“Estoniya ilə matçda qələbə qazanmaq istəyirik” – Abbas Hüseynov

“Estoniya ilə matçda üç xal qazanacağımıza inanıram”.

Komanda.az xəbər verir ki, bunu Azərbaycan millisinin futbolçusu Abbas Hüseynov Estoniya yığmasına qarşı keçirəcəkləri Millətlər Liqasının oyunundan öncə baş tutan mətbuat konfransında deyib.

29 yaşlı müdafiəçi sabah qələbə qazanmaq istədiklərini bildirib:

“Sabahkı oyuna yaxşı hazırlaşmışıq. Qələbə qazanmaq istəyirik. Əlimizdən gələni edib, meydandan yaxşı nəticə ilə ayrılmaq istəyirik. Komandada əhval-ruhiyyə yüksək səviyyədədir. Estoniya ilə matçda üç xal qazanacağımıza inanıram”.