“Əsas rəqibimizin iki matçda doqquz qol vurması məyusedicidir”

“Real”in yarımmüdafiəçisi Luka Modriç İspaniya superkubokunun finalında “Barselona”ya məğlubiyyəti (2:5) şərh edib.

Komanda.az “Marca”-ya istinadən xəbər verir ki, xorvatiyalı futbolçu düzgün reaksiya verəcəklərini düşünür:

“Əsas rəqibimizin iki matçda doqquz qol vurması məyusedicidir. Düşünürəm ki, düzgün reaksiya verəcəyik, buna əminəm. Finalı uduzmalı olsaq, qoy bu olsun. Bu, futboldur, qələbələr də, məğlubiyyətlər də var, bu dəfə də uduzduq. İndi sadəcə “Barselona”nı təbrik etməliyik, çünki onlar daha yaxşı idilər”.

39 yaşlı Modriç bu mövsüm “Real”ın heyətində bütün turnirlərdə 28 oyun keçirib, 2 qol vurub və 4 məhsuldar ötürmə edib.