“Əsas rəqib “Liverpul”dur” – Qvardiola

“Mançester Siti”nin baş məşqçisi Pep Qvardiola Premyer Liqa çempionluğu uğrunda mübarizədə əsas rəqiblərinin adlarını açıqlayıb.

Komanda.az BBC-yə istinadən xəbər verir ki, ispaniyalı mütəxəssis “Liverpul”u digər klublardan fərqləndirib:

“Kiminlə rəqabət aparacağıq? Təbii ki, “Liverpul”la. Əsas rəqib “Liverpul”dur. Kimin titul qazanacağını təhlil etmək üçün ilk 10 oyunu dəyərləndirmək lazımdır. Hələ 10 oyun keçirməmişik. Biz gözləməliyik, lakin böyük klublar həmişə titul üçün iddialılar arasında olurlar”.

“Şəhərlilər” 7 turdan sonra İngiltərə Premyer Liqasında turnir cədvəlinin 1-ci pilləsində qərarlaşıb. Premyer Liqanın növbəti turunda Mançester təmsilçisi “Arsenal”la qarşılaşacaq. Oyun oktyabrın 8-də keçiriləcək.