Erməni baş məşqçi ilə futbolçu arasında dava olub

“Monpelye”nin erməni baş məşqçisi Mişel Ter-Zakaryan komandanın futbolçusu Mamadu Sako ilə dava edib.

Komanda.az xəbər verir ki, bu barədə “Ekip” nəşri məlumat yayıb.

Hadisə oktyabrın 24-də, axşam məşqindən sonra klubun paltardəyişmə otağında baş verib. 33 yaşlı müdafiəçi məşqçisinin iradından narazı qalıb.

Ter-Zakaryan hadisə ilə bağlı açıqlama verməyib.

Bu mövsüm Sako komandanın cəmi bir oyununda iştirak edib. Fransalı futbolçu “Monpelye” ilə yanaşı, PSJ, “Liverpul” və “Kristal Pelas” komandalarında da çıxışı ilə tanınır.