Erat üçün 74 dəqiqə və 1 xal

Futbol üzrə Türkiyə 2-ci liqasında 30-cu turun oyunları keçirilib.

Komanda.az xəbər verir ki, Azərbaycan yığmasının sabiq üzvü Toğrul Eratın formasını geyindiyi “Fatih Karagümrük” klubu da növbəti matçına çıxıb.

Sözügedən kollektiv səfərdə “Şanlıurfaspor” ilə üz-üzə gəlib. Eratın komandası bu görüşdən heç-heçə ilə ayrılıb – 0:0.

Toğrul da bu görüşün iştirakçısı olub. O, start heyətdə meydana çıxıb və 74-cü dəqiqədə əvəzlənib.

“Fatih Karagümrük” 30 turdan sonra 56 xalla 18 kollektiv arasında 3-cü pillədə qərarlaşıb.