“Əl-Əhli” tanınmış futbolçunu heyətdən kənarlaşdırıb

Səudiyyə Ərəbistanı klubları son illərdə geniş maliyyə imkanlarından istifadə edərək Avropadan aparıcı oyunçuları rahat şəkildə transfer edirlər.

Ancaq əks proses – ərəblərin əvvəllər transfer etdikləri ən yaxşı oyunçulardan imtina etməsi illər ərzində baş vermədi.

Komanda.az xarici KİV-ə istinadən xəbər verir ki, indi isə “Əl-Əhli” sözün əsl mənasında hücumçu Roberto Firminonu komandadan qovur.

Qalenonun transferindən sonra Ciddə klubu Firminonu komandanın ölkə çempionatı oyunları üçün nəzərdə tutulan heyətindən kənarlaşdırıb. Bu isə o deməkdir ki, 33 yaşlı braziliyalı forvard indi yalnız Asiya Çempionlar Liqasında oynamaq hüququna malikdir.

Braziliya klublarının Firminonu almaq üçün cəhdlər edəcəyi gözlənilir. Bu ölkədə transfer pəncərəsi açıqdır.