“Çelsi”nin futbolçusu üçün mövsüm başa çatdı

“Çelsi”nin yarımmüdafiəçisi Enzo Fernandes əməliyyat olunmağa qərar verib.

Komanda.az xaric KİV-ə istinadən xəbər verir ki, argentinalı futbolçu bu gün əməliyyat masasına uzanacaq. Bu əməliyyata görə Fernandes bütün mövsümü buraxmalı olacaq.

Futbolçunun iki seçimi var idi: yayda və ya indi əməliyyat olunmaq. Argentinalı oyunçu iyun ayında əməliyyat olunsaydı, Amerika kubokunu buraxmalı olacaqdı. Fernandes böyük turniri qurban vermək istəməyərək, indi əməliyyat olunmağa qərar verib.