“Onun bizimlə davam etməsini istəyirik” – Pike

İspaniya kubokunun final matçında “Valensiya”ya 1:2 hesabı ilə məğlub olan “Barselona”nın müdafiəçisi Jerar Pike oyundan sonra açıqlama verib.

Komanda.az İspaniya mətbuatına istinadən xəbər verir ki, 32 yaşlı futbolçu, Çempionlar Liqasının yarımfinal mərhələsinin cavab oyununda “Liverpul”a 0:4 hesabı ilə məğlub olduqdan sonra toparlana bilmədiklərini deyib:

“Enfild Roud”da mərhələni keçsəydik, mövsümü üç kubokla tamamlaya bilərdik. Bu oyuna da fərqli psixologiya ilə çıxardıq. Bundan başqa, Çempionlar Liqasını da qazanardıq”.

Pike, komandanın baş məşqçisi Ernesto Valverdenin gələcəyi haqqında da danışıb:

“Valverdenin gələcəyi ilə bağlı narahat deyilik. Onun bizimlə davam etməsini istəyirik. Amma son qərarı yenə də klub rəhbərliyi verəcək”.