“İngiltərə yığması ilə bağlı heç bir danışıq olmayıb” – Mourinyo

“Fənərbaxça”nın baş məşqçisi Joze Mourinyo İngiltərə millisindəki mümkün işləri şərh edib.

Komanda.az “Sky Sports”-a istinadən xəbər verir ki, portuqaliyalı mütəxəssis bu işlə maraqlanmadığını bildirib:

“İngiltərə yığması ilə bağlı heç bir danışıq olmayıb. Mən bu işlə maraqlanıram? İndi yox. Enerjim çoxdur, ayda bir matç mənə bəs etmir. Daha çox oyunda olmaq etmək istəyirəm. Amma istisna etmirəm ki, gələcəkdə dünya və Avropa çempionatlarında çalışaraq, təcrübə qazanmaq istəyəcəm. Bir gün bu baş verə bilər, amma indi deyil”.

Mourinyo bu ilin yayından “Fənərbaxça”nın çalışdırıcısıdır. Onun karyerasına “Portu”, “Mançester Yunayted”, “Çelsi”, “Real” və “İnter” kimi klublar da daxildir.