ÇL: “Ən yaxşı səviyyəmizə qayıtmalıyıq” – Xavi

“Barselona”nın baş məşqçisi Xavi Çempionlar Liqasının qrup mərhələsinin 4-cü turunda “Şaxtyor”la keçiriləcək oyunla bağlı gözləntilərini bölüşüb.

Komanda.az UEFA-nın rəsmi saytına istinadən xəbər verir ki, o, matçda yaxşı oyun göstərib, qalib gəlmək istədiklərini söyləyib:

“Ən yaxşı səviyyəmizə qayıtmalıyıq. Biz özümüzə qarşı çox tənqidi yanaşırıq və oyunumuzu rəqiblərimizin üzərinə qoymaq istəyirik. Güclü rəqiblərimiz var və onlara qalib gəlməyin yolunu tapmalıyıq. Bu mürəkkəb bir prosesdir. Biz təvazökar və səbirli olmalıyıq. Gözəl oyun oynayıb, qalib gəlmək istəyirik. Bu, ideal ssenaridir”.

Xatırladaq ki, 3-cü turda “Barselona” “Şaxtyor”a 2:1 hesabı ilə qalib gəlib.