Baş məşqçidən oynatmadığı Balotelli haqda açıqlama

“Cenoa”nın baş məşqçisi Patrik Vieyra Mario Balotelli ilə bağlı fikirlərini bölüşüb.

Komanda.az DAZN-a istinadən xəbər verir ki, fransalı çalışdırıcı, Balotellinin son matçda oynamayan digərləri kimi vacib oyunçu olduğunu bildirib:

“Balotelli bu matçda oynamayan digərləri kimi vacib oyunçudur. Ehtiyatda qalan təkcə o deyil. Biz bir komandayıq, hər bir oyunçu önəmlidir. Bu gün bu qərarı verdim, amma növbəti dəfə fərqli ola bilər. Ən vacibi klub və komandadır”.

“Cenoa” bazar günü A Seriyasının matçında “Leççe” ilə heç-heçə edib (0:0) və 34 yaşlı Balotelli meydanda görünməyib. O, bu oyunu ehtiyat oyunçular skamyasından izləyib.

Balotelli oktyabrın sonunda “Cenoa”ya keçib və o vaxtdan bəri 6 matçda iştirak edib.