Emreli: “Çox söz deyə bilərik, amma…” – FOTO

“Konyaspor”un azərbaycanlı hücumçusu Mahir Emreli Türkiyə Super Liqasının 30-cu turunun “Adana Dəmirspor”la matçından sonra (1:2) sosial şəbəkə hesabında paylaşım edib.

Komanda.az xəbər verir ki, Azərbaycan millisinin üzvü paylaşımda aşağıdakı sözləri yazıb:

“Çox söz deyə bilərik, amma fikir verməyin”.

26 yaşlı forvard onları dəstəkləyən hər kəsə təşəkkür etdiklərini bildirib.

Matça start heyətdə başlayan Emreli 40-cı dəqiqədə komandasının yeganə qolunu vurub.

48-ci dəqiqədə Adana təmsilçisində David Akintola qırmızı vərəqə alıb və meydandan qovulub. Azərbaycanlı hücumçu isə 60-cı dəqiqədə əvəzlənib.