Emin Nuri 83 dəqiqə oynadı, “Kalmar”…

Futbol üzrə İsveç çempionatında 10-cu turun oyunları keçirilib.

Komanda.az xəbər verir ki, azərbaycanlı futbolçu Emin Nurinin formasını geyindiyi “Kalmar” da növbəti matçına çıxıb.

Sözügedən kollektiv səfərdə “Malmö” ilə üz-üzə gəlib. Futbolçumuzun komandası bu oyundan məğlubiyyətlə ayrılıb – 0:1.

Emin də bu görüşün iştirakçısı olub. O, start heyətdə meydana çıxıb və 83-cü dəqiqədə əvəzlənib.

“Kalmar” hazırda 11 xalla 16 iştirakçı arasında 10-cu pillədə qərarlaşıb.