“Neftçi” Emin Mahmudov üçün təklif alıb? – AÇIQLAMA

Britaniya mətbuatında Azərbaycan millisinin və “Neftçi”nin futbolçusu Emin Mahmudovun karyerasını Şotlandiyada davam etdirə biləcəyi ilə bağlı məlumatlar yayılıb.

Məsələni dəqiqləşdirmək üçün “Neftçi”nin mətbuat xidmətinin rəhbəri Rüstəm Allahverdiyevlə əlaqə saxladıq. O, Komanda.az-a açıqlamasında kluba Emin Mahmudovla bağlı heç bir təklif gəlmədiyini deyib:

“Dünəndən bu məsələ ilə bağlı suallar verilir. Lakin kluba Eminlə bağlı heç bir təklif gəlməyib. Nə şifahi, nə də yazılı”.

Xatırladaq ki, yarımmüdafiəçinin “Harts” klubunun maraq dairəsində olduğu deyilir.

Emin Mahmudov 2016-cı ildən Azərbaycan millisində, 2017-ci ildən isə “Neftçi”də çıxış edir.

Mehri Qurban

Bizi Telegramda izləyin