Emin Əmrullayev Bəhreynə gedib

Azərbaycan Basketbol Federasiyasının (ABF) prezidenti Emin Əmrullayev və icraçı vitse-prezident Fərrux Mahmudov Bəhreynin Manama şəhərində keçirilən “FİBA Mid-Term Congress 2025″də iştirak edirlər.

Bu barədə Komanda.az-a ABF-nin mətbuat xidmətindən məlumat verilib.

Burada 160-dan çox milli federasiya rəsmiləri növbəti inkişaf mərhələlərini müzakirə edirlər.

Konqresdə FİBA-nın rəqəmsal inkişafı, qadın basketboluna dair prioritetlər, süni intellekt əsaslı həllər və yeni proqramlar təqdim olunur.