Emin 90 dəqiqə oynadı, “Kalmar” səfərdən 1 xalla döndü

Futbol üzrə İsveç çempionatında 12-ci turun oyunları keçirilib.

Komanda.az xəbər verir ki, azərbaycanlı futbolçu Emin Nurinin formasını geyindiyi “Kalmar” da növbəti matçına çıxıb.

Sözügedən kollektiv səfərdə “Falkenberq”lə üz-üzə gəlib. Futbolçumuzun komandası bu oyundan heç-heçə ilə ayrılıb – 0:0.

Emin də bu görüşün iştirakçısı olub. O, start heyətdə meydana çıxıb və sonadək oynayıb.

“Kalmar” hazırda 13 xalla 16 iştirakçı arasında 11-ci pillədə qərarlaşıb.