Emeri: “Öz anımızı gözləməli olduq”

“Vilyarreal”ın baş məşqçisi Unay Emeri Çempionlar Liqasının 1/8 finalında “Yuventus”u məğlub etdikləri oyunla bağlı fikirlərini bildirib.

Komanda.az UEFA-nın saytına istinadən xəbər verir ki, Emeri, qələbə üçün lazım olan anı gözlədiklərini deyib:

“Qapıçımız çox yaxşı oynadı. Eyni zamanda, biz öz anımızı gözləməli olduq. İlk hissədə “Yuventus” daha təhlükəli oynadı. Fasilədən sonra isə oyun bərabərləşdi.

Bizim oyun planımız var idi. Çətin anların olacağını bilirdik. Cerard Morenonu meydana buraxmaq üçün doğru zamanı gözlədim. Bu gün o, öz potensialına qayıtdığını göstərdi”.

“Vilyarreal” iki oyunun nəticəsinə görə (1:1, 3:0) “Yuventus”u mübarizədən kənarlaşdıraraq, ÇL-də 1/4 final mərhələsinə çıxıb.