Emeri: “Bu mərhələyə gəlmək üçün böyük iş görmüşük”

“Vilyarreal”ın baş məşqçisi Unay Emeri Çempionlar Liqasının 1/8 final mərhələsinin “Yuventus”la ilk oyunu ilə bağlı gözləntilərini bölüşüb.

Komanda.az xəbər verir ki, UEFA-nın rəsmi saytına danışan Emeri, “Yuventus”un heyətindəki futbolçulara diqqət çəkib:

“Yuventus”un heyəti milli komandaların futbolçuları ilə doludur. Onların hər biri çox təcrübəlidir. Amma bizdə də belə futbolçular var: Pau Torres, Raul Albiol…

Biz bu mərhələyə gəlmək üçün böyük iş görmüşük. Qələbə qazanmaq istəyirik. Çempionlar Liqasında 1/8 finala yüksəlmişik, çünki buna tam layiqik”.

Bu gün keçiriləcək “Vilyarreal” – “Yuventus” matçı saat 00.00-da başlayacaq.