Elşad Əhmədov: “Çaş-baş qaldıq, biabırçılıqdı”

“Sabah”ın baş məşqçisi Elşad Əhmədov Premyer Liqanın 26-cı turu çərçivəsində “Keşlə”yə qarşı keçirdikləri oyunu şərh edib.

Komanda.az xəbər verir ki, o, 1:1 hesabıyla başa çatan oyundan sonra təşkil olunan mətbuat konfransında əvvəlcə bunları söyləyib:

• Oyunun baxımlı alındığını deməzdim. Ancaq mübarizə ilə bol oyun alındı. İkinci hissədə qol vurduqdan sonra uşaqlar arxaya çəkildilər. Pis oynadıq. Qolun olub-olmadığını bilmirəm. Biabırçılıq idi. Səhvlər olur başa düşürəm, ancaq bu, başa düşüləsi deyil.

• Hakim qərəzinin qurbanı olduz?

• Çaş-baş qaldıq. Qol olmayan bir şey, necə sayılır? Biz danışmayaq-danışmayaq deyirik, ancaq uşaqların da əziyyəti var axı.
• Cavid İmamverdiyevin əvəzlənməsinə səbəb nə idi?
• Zədələndiyinə görə əvəzlədik.

Şahin Cəfərov